“மிஷன் இம்பாசிபிள் ஃபால் அவுட்” இரண்டாவது டிரெய்லர் வெளியீடு..!

18/05/2018

660

(Mission Impossible Fallout 2018 Official Trailer)

“மிஷன் இம்பாசிபிள் ஃபால் அவுட்” இரண்டாவது டிரெய்லரை படக்குழுவினர் வெளியிட்டுள்ளனர்.

“மிஷன் இம்பாசிபிள்” வரிசை படங்களில் புதிய பாகமாக இந்தப் படம் உருவாகியுள்ளது. அதிரடி ஆக்‌ஷன் கலந்த ஸ்பை திரில்லர் படமான இதில் டாம் க்ரூஸ் கதாநாயகனாக நடித்துள்ளார்.

இப் படத்தின் படப்பிடிப்பில் சண்டைக் காட்சி ஒன்றில் நடித்தபோது டாம் க்ரூஸுக்கு காலில் பலத்த காயம் ஏற்பட்டது. இதையடுத்து சில மாதங்கள் ஓய்வில் இருந்த அவர், முழுவதுமாக குணமடையாத நிலையிலும் இதர காட்சிகளை நடித்து முடித்தார்.

இதையடுத்து, படத்தின் முதல் டிரெய்லர் கடந்த பிப்ரவரி மாதம் வெளியடப்பட்டது. ரசிகர்களிடம் அந்த டிரெய்லர் அமோக வரவேற்பைப் பெற்ற நிலையில் தற்போது படத்தின் இரண்டாவது டிரெய்லரை வெளியிட்டுள்ளனர்.

இதில் டாம் க்ரூஸ் தோன்றும் ஹெலிகாப்டர், பைக் சேசிங் உள்ளிட்ட காட்சிகள் இடம்பிடித்துள்ளன.

அத்துடன், மிஷன் இம்பாசிபிள் ஃபால் அவுட் திரைப்படம், வரும் ஜுலை 27ஆம் திகதி யுஎஸ், யுகே ஆகிய இடங்களிலும் ஆகஸ்ட் 2 ஆம் திகதி ஆஸ்திரேலியாவிலும் ரிலீசாகிறது.