பூமிக்கு அடியில் சிக்சிக் கொள்ளும் மனிதன் : ஆண்டனி பட ட்ரெய்லர் வெளியீடு..!

16/05/2018

520

(Antony Movie Audio Trailer Launch)

ஆண்டனி புரெடக்க்ஷன்ஸ் சார்பில் “வெப்பம்” ராஜா மற்றும் கிறிஸ்டோபர் ஆகியோர் இணைந்து தயாரித்துள்ள படம் “ஆண்டனி”.

அதாவது, மனிதன் ஒருவன் பூமிக்கு அடியில் சிக்சிக் கொள்ளும் சம்பவத்தை மையமாக வைத்து எடுக்கப்பட்டுள்ள, இந்தியாவின் முதல் கிளாஸ்ட்ரோஃபோபிக் படமான ”ஆண்டனி” படத்தின் ட்ரெய்லர் வெளியிடப்பட்டுள்ளது.

இந்த படத்தின் மூலம் படத்தொகுப்பாளர் குட்டி குமார் இயக்குனராக அறிமுகமாகிறார். புதுமுகங்கள் நிஷாந்த், வைஷாலி ஆகியோர் கதாநாயகன், கதாநாயகியாக அறிமுகமாகின்றனர்.

பிரபல மலையாள நடிகர் வித்தியாசமான பரிமாணத்தில் இப் படத்தில் முக்கிய கதாபாத்திரத்தில் நடித்துள்ளார். தயாரிப்பாளர் ”வெப்பம்” ராஜா வில்லனாக அறிமுகமாகிறார். அத்துடன், இந்த படத்தின் தொழில்நுட்ப குழுவினர் உள்பட அனைவருமே புதுமுகங்கள்.

இந்நிலையில், இந்தப் படத்தின் பாடல் மற்றும் ட்ரெய்லர் வெளியீட்டு விழா சென்னையில் நடைபெற்றது. இப் படத்தின் மூலம் சிவாத்மிகா என்ற இளம்பெண் இசையமைப்பாளராக அறிமுகமாகிறார்.

அந்த வகையில், படத்தின் பாடல் மற்றும் ட்ரெய்லரை இயக்குனர் எஸ்.ஏ.சந்திரசேகர் வெளியிட்டார். நடிகைகள் ஜெயசித்ரா, ரேகா, தயாரிப்பாளர்கள் தேனப்பன், தங்கதுரை, இயக்குனர்கள் பிரவின்காந்த், யுரேகா உள்ளிட்ட பலர் விழாவில் கலந்து கொண்டனர்.