தாய்லாந்தில் சபாவின் Karambunai கடல் பகுதியில் இருந்து மீனவர் ஒருவர் காப்பாற்றப்பட்டுள்ளார். அவர் காணாமல்போனது முதல் 30 மணிநேரமாக மிதந்து கொண்டிருந்த நிலையில் நேற்று மீட்கப்பட்டார்.
நேற்றுமுன்தினம் காலை 6 மணி முதல் காணாமல்போனதாக கூறப்பட்ட 69 வயதுடைய Morris Dulin என்ற அந்த மீனவர் காலியாக இருந்த பிளாஸ்டிக் களனில் தொற்றிக்கொண்டு மிதந்துகொண்டிருந்தார்.
இதன்போது Sepanggar கடல் பகுதியில் பாதுகாப்பாக மீட்கப்பட்டார். அரச மலேசிய கடற்படையின் KD Sunda கப்பல் அந்த மீனவரை மீட்டதாக கோத்தா கினபாலு பொலிஸ் தலைவர் Mohd Zaidi Abdullah உறுதிப்படுத்தினார். அடையாளம் மற்றும் சிகிச்சைக்காக அந்த நபர் மீண்டும் செபாங்கரில் உள்ள கடற்படை தளத்திற்கு கொண்டு வரப்பட்டார், என்று Mohd Zaidi Abdullah கூறினார்.
மோரிஸ் தனது 41 மற்றும் 42 வயதுடைய இரண்டு நண்பர்களுடன் கடலுக்குச் சென்று புதன்கிழமை காலை நெக்ஸஸ் Karambunai கடல் பகுதியில் மீன்பிடித்துக் கொண்டிருந்தார்.
வானிலை திடீரென மோசமடைந்ததால் அவர்கள் தரையிறங்க முடிவு செய்தனர், ஆனால் திரும்பி வரும் வழியில், வலுவான அலைகளால் தாக்கப்பட்ட அவர்களின் படகு கவிழ்ந்தது.
உயிர் பாதுகாப்பு ஆடை அணிந்திருந்ததாகக் கூறப்படும் இரு நண்பர்களும், மோரிஸை எங்கும் காணாத நிலையில், பாதுகாப்பாக நீந்திச் சென்றனர். இந்த சம்பவம் குறித்து நண்பர்கள் அதிகாரிகளுக்கு தகவல் தெரிவித்தனர்.
மலேசிய கடல்சார் அமலாக்க நிறுவனம் (எம்எம்இஏ), தீயணைப்பு மற்றும் மீட்புத் துறை மற்றும் குடிமைத் தற்காப்புப் படை உள்ளிட்ட பல அமைப்புகளை உள்ளடக்கிய ஒரு தேடல் குழுவினரால் அவர் காப்பாற்றப்பட்டுள்ளார்.
