கிளிநொச்சியில் நேற்றிரவு பதற்றம் : விசேட அதிரடிப் படை அடாவடி

By
Vicky
-
0
562
tension situation killinochi STF

கிளிநொச்சி – பரந்தன் பகுதியில் சாரதி ஒருவரை விசேட அதிரடிப்படையினர் நேற்று இரவு கடுமையாக தாக்கிய சம்பவத்தால் பதற்ற நிலைமை ஏற்பட்டுள்ளது.(tension situation killinochi STF,Tamilnews)

டிப்பர் வாகனத்தைச் செலுத்திச் சென்ற சாரதி ஒருவரே இவ்வாறு தாக்கப்பட்டுள்ளார்.

இதில், குறித்த சாரதி பரந்தன் – முல்லைத்தீவு ஏ-35 வீதியூடாக புவிச்சரிதவியல் அளவை சுரங்கங்களின் பணியகத்தினால் வழங்கப்பட்ட அனுமதிப்பத்திரத்துடன் மணல் ஏற்றிச் சென்றுள்ளார்.

குறித்த டிப்பர் வாகனத்தை பின் தொடர்ந்து சென்ற விசேட அதிரடிப் படையினர், பரந்தன் சந்திப் பகுதியல் வைத்து நேற்று இரவு வழிமறித்து சாரதியை கைது செய்து, பரந்தன் பஸ் நிலையத்தில் வைத்து கடுமையாக தாக்கியுள்ளனர்.

இதனால் மக்களுக்கும் விசேட அதிரடிப்படையினருக்கும் இடையில் முறுகல் நிலை ஏற்பட்டுள்ளதுடன் பதற்றமான சூழலும் ஏற்பட்டிருந்தது.

அனுமதிப் பத்திரத்துடன் மணல் ஏற்றிச்சென்ற நிலையில் இவ்வாறு குறித்த சாரதியை கைது செய்து துப்பாக்கியினாலும் கையினாலும் கடுமையாக தாக்கியதாக நேரில் கண்டவர்கள் தெரிவித்துள்ளனர்.

இதனையடுத்து, அந்த பகுதியில் அதிகளவான பொலிஸார் இராணுவத்தினர், விசேட அதிரடிப்படையினர் குவிக்கப்பட்டு இருந்தனர்.

இதேவேளை தாக்கப்பட்ட சாரதியை கைது செய்து சென்ற விசேட அதிரடிப்படையினர் இரவு 12.00 மணிவரையில் கிளிநொச்சி பொலிஸ் நிலையத்தில் ஒப்படைக்கவில்லை என்று பொலிஸார் தெரிவித்துள்ளனர்.

இதேவேளை குறித்த டிப்பர் வாகனம் பொலிஸ் நிலையத்திற்கோ அல்லது விசேட அதிரப்படையினர் முகாமிற்கோ கொண்டு செல்லப்படாது இரவு முழுவதும் ஆபத்தான நிலையில் ஏ-9 வீதியில் நிறுத்திவைக்கப்பட்டுள்ளமை குறிப்பிடத்தக்கது.

தமிழ்நியூஸ் இணையத்தளத்தில் அதிகம் வாசிக்கப்பட்டவை

இறந்த குழந்தை மயானத்தில் இருந்து நாயின் உருவில் வந்த அதிசயம் : யாழில் மனதை நெகிழ வைக்கும் சம்பவம்
மன்னாரில் மீளவும் விடுதலைப் புலிகளாம்..!
UNP பிரதேச சபை தலைவர் முஸ்லிம் வர்த்தகரை அச்சுறுத்தும் வீடியோவை பார்வையிட்டார் ரணில்..!
புலமைப்பரிசில் பரீட்சைக்கு முன்னதாக சிறுமி பாலியல் துஷ்பிரயோகம் : ஹம்பேகமுவவில் சம்பவம்
மகளை ஏற்றிச் சென்ற தந்தை உடல் சிதறி பலி : யாழில் சற்றுமுன்னர் சம்பவம்
சம்பந்தன், மாவையின் குடியுரிமை பறிக்கப்பட வேண்டும் : தேசத்துரோக விசாரணையும் நடத்த வேண்டும்

Tamil News Group websites

Tags:tension situation killinochi STF,tension situation killinochi STF,tension situation killinochi STF