கிராமத்தில் இருந்து ஒதுக்கப்பட்ட 5 வயது தலித் சிறுமி

0
331
incident Dalit community 10years oldgirl indiatamilnews tamilnews

incident Dalit community 10years oldgirl indiatamilnews tamilnews

‘குருவி முட்டைகளை உடைத்ததால் சாமிக்குத்தம் ஏற்பட்டதாக கூறி தலித் சமூகத்தைச் சேர்ந்த 5 வயது சிறுமியை 10 நாட்கள் கிராமத்தை விட்டு ஒதுக்கி வைத்த சம்பவம் ராஜஸ்தானில் நடந்துள்ளது.

ராஜஸ்தானில் பண்டி மாவட்டத்தில் நடைபெற்ற இச்ம்பவத்தில் 5 வயது தலித் பெண் குழந்தை தள்ளிவைக்கப்பட்டதால் அச்சிறுமி சரியான உணவு, பாதுகாப்பு மற்றும் தங்குமிடம் ஆகியவற்றை இழந்துவிட்டதாக அதிகாரி ஒருவர் தெரிவித்தார்.

உதவிகளின்றி வாடிய சிறுமியின் விவகாரம் மாநில குழந்தைகள் உரிமைகள் அமைப்பின் தலைவர் மனான் சதுர்வேதியின் தெரியவந்த பிறகு நடவடிக்கை மேற்கொண்டார். அவரின் உத்தரவின் பேரில் இவ்வழக்கு போலீஸில் பதிவு செய்யப்பட்டது.

முதன்முதலாக பள்ளி சென்ற அக்குழந்தை, பள்ளி வளாகத்தில் இருந்த மரம் ஒன்றில் கூடுகட்டியிருந்த ஊர்க்குருவிக் கூட்டில் முட்டைகள் இருப்பது தெரியாமல் ஏறி குருவி கூடு அழகாக இருக்கிறதே என அதை தொட்டுப் பார்த்துள்ளார்.

அச்சமயம் அதில் இருந்த முட்டைகள் கீழே விழுந்து உடைந்தன. உண்மையில் அதற்குள் முட்டைகள் பொதிந்திருந்ததை குழந்தை கவனிக்கவில்லை.
ஆனால் இச்செய்தி ஊர்முழுக்க பரவியது. பஞ்சாயத்தும் கூடியது.

உள்ளூர் நாட்டாமைகள் தீர்ப்பை வழங்கினர். ஆரம்பமாக மூன்று நாட்கள் அதன்பின்னர் அடுத்த எட்டு நாட்கள் என அக்குழந்தை கிராமத்தை விட்டு வெளியேற்றப்பட்டார்.

ஊர்க்குருவிகளின் முட்டைகளை உடைத்தது ஊருக்கு கெட்ட சகுனம் ஏற்பட்டுள்ளது என்றும் இதனால் ஊரில் இனி மழை பெய்யாது என்றும் அவர்களது கிராமத்து மக்களின் நம்பிக்கையின்படி முடிவுக்கு வந்துள்ளனர்.

மேலும் அப்படி ஒதுக்கிவைக்கப்பட்ட உத்தரவை ரத்து செய்ய வேண்டுமானால் விலையுயர்ந்த ஒயின் மற்றும் பலவிதமான தின்பண்டங்கள், இது தவிர மாட்டுக்குத் தீவனங்கள், மீன் உணவு சமைக்கத் தேவையான மளிகை பொருட்கள் போன்றவற்றை வாங்கி வந்தால் ஊரைவிட்டு ஒதுக்கிவைத்துள்ளது முடிவுக்கு வரும் என்று தெரிவித்துள்ளனர்.

இது குறித்து தகவல் அறிந்த போலீசார் கிராமத்தின் உறுப்பினர்கள் மற்றும் தலைவர் உள்ளிட்ட 10 பேரை போலீஸார் கைது செய்தனர்.

incident Dalit community 10years oldgirl indiatamilnews tamilnews

tags: Complain gossip OPS son Venkayya

இந்தியா தமிழ் நியூஸ் இணையத்தளத்தில் அதிகம் வாசிக்கப்பட்டவை:

மேலதிக தமிழ் நியூஸ் இணையத்தளங்கள் :