Categories: INDIATop Story

விவசாயப் பொருள்களின் விலைகள் உயர்வு! – மோடி அரசின் அறிவிப்புகள்! (விவரம்)

நெல் மற்றும் இதர விவசாயப் பயிர்களுக்கு குறைந்தபட்ச ஆதார விலைகளை அறிவித்திருப்பதன் மூலம் வேளாண் விஞ்ஞானி எம்.எஸ். சாமினாதன் அவர்களின் பரிந்துரைகளை நிறைவேற்றிவிட்டோம் என்று மத்திய அரசாங்கம் மோசடியான முறையில் கூறிக்கொண்டிருப்பதாக, மார்க்சிஸ்ட் கம்யூனிஸ்ட் கட்சி கூறியிருக்கிறது.prices agricultural commodities rise modi announcements details

இது தொடர்பாக கட்சியின் அரசியல் தலைமைக்குழு அளித்துள்ள அறிக்கையில் கூறப்பட்டிருப்பதாவது :

விவசாயப் பொருள்களின் உற்பத்திச் செலவினத்தை எப்படிக் கணக்கிட வேண்டும் என்றும், அதன் அடிப்படையில் அதற்கும் மேல் விவசாயிகளுக்கு 50 சதவீதம் லாபம் வைத்து, குறைந்தபட்ச ஆதாரவிலை நிர்ணயிக்க வேண்டும் என்றும் எம்.எஸ். சாமினாதன் ஆணையம் கூறியிருக்கிறது.

உற்பத்திச் செலவினங்கள் கடுமையாக உயர்ந்து விவசாயிகள் கடன்வலையில் சிக்கித் தவித்துக்கொண்டிருக்கும்போது, விவசாயத்தின் முக்கியமான அம்சங்களை எல்லாம் மோடி அரசாங்கம் வேண்டுமென்றே கணக்கிலேயே எடுத்துக்கொள்ளாமல், பாஜக ஆளும் மாநில அரசாங்கங்கள் உட்பட பல மாநில அரசாங்கங்கள் சென்ற ஆண்டு நிர்ணயித்த அளவைவிட, விவசாயிகளுக்குக் குறைந்தபட்ச உற்பத்திச் செலவை மோடி அரசாங்கம் நிர்ணயம் செய்துள்ளது என்பது மிகவும் குரூரமான நகைச்சுவையாகும்.

சாமினாதன் ஆணையத்தின் பரிந்துரைகளின்படி விவசாயிகள் பெறக்கூடிய தொகைக்கும், தற்போது மோடி அரசாங்கம் அறிவித்துள்ள தொகைக்கும் இடையே, மிகப்பெரிய இடைவெளி மற்றும் இழப்பு காணப்படுகிறது. நெல்லுக்கு சுமார் 600 ரூபாயும், இதர தான்யங்கள், நிலக்கடலை மற்றும் கரும்புக்கு 1800 ரூபாயிலிருந்து 2000 ரூபாய் வரைக்கும் இடைவெளி காணப்படுகிறது.

மேலும், இந்தத்தொகையைக்கூட விவசாயிகள் பெறுவார்கள் என்பதற்கு உத்தரவாதம் ஏதும் கிடையாது. ஏனெனில் மத்திய அரசாங்கம் தன்னுடைய கொள்முதல் நடவடிக்கைகளை வேண்டுமென்றே வெட்டிக்குறைத்துள்ளதால், விவசாயிகள் தங்கள் விவசாய விளைபொருள்களை அவற்றைத் தனியாரிடம் கேட்கும் விலைக்கு விற்க வேண்டிய அவலநிலைக்குத் தள்ளப்பட்டிருக்கிறார்கள்.

விவசாயிகள் மத்தியில் மோடி அரசாங்கத்திற்கு எதிராக அதிகரித்துள்ள அதிருப்தியைத் திசைதிருப்பும் முயற்சியே தவிர இது வேறொன்றும் இல்லை.

விவசாயிகளில் பெரும்பாலானவர்கள், சிறிய மற்றும் நடுத்தர விவசாயிகள். இவர்கள் எம்.எஸ். சாமினாதன் ஆணையத்தின் பரிந்துரைகள் அமல்படுத்தப்பட வேண்டும் என்றும் மற்றும் பல நியாயமான கோரிக்கைகளுக்காகவும் நீண்டகாலமாகப் போராடி வருகிறார்கள்.

மார்க்சிஸ்ட் கம்யூனிஸ்ட் கட்சி இவ்வாறு விவசாயிகளுக்கு இழைக்கப்பட்டுள்ள மோசடியை, விவசாயிகள் மத்தியில் தோலுரித்துக்காட்டிடும், மத்திய அரசின் விவசாய விரோத, விவசாயிகள் விரோத நடவடிக்கைகளுக்காக விவசாயிகள் மேற்கொள்ளும் அனைத்துப் போராட்டங்களுக்கும் தன் ஆதரவினை விரிவுபடுத்திடும்.

இவ்வாறு அரசியல் தலைமைக்குழு அறிக்கையில் குறிப்பிட்டுள்ளது.

இன்னும் பல சுவாரஸ்யமான செய்திகள் :

மேலதிக தமிழ் நியூஸ் இணையத்தளங்கள் :
Sakthi Raj

Share
Published by
Sakthi Raj
Tags: formers newsIndiaindia formers newsIndia NewsModimodi liarprices agricultural commodities rise modi announcements detailsPrime Ministerprime minister modi

Recent Posts

அயல்நாட்டு காதலியுடன் கமிட்டான கீதா கோவிந்தம் விஜய் : வெகு சீக்கிரத்தில் திருமணம்

சந்தீப் ரெட்டி இயக்கத்தில் விஜய் தேவரகொண்டா, ஷாலினி பாண்டே இணைந்து நடித்த படம் அர்ஜுன் ரெட்டி. காலத்திற்கு தகுந்த காதல் படம் என்பதால் நல்ல ஹிட் கொடுத்தது…

11 mins ago

பிக் பாஸ் வீட்டில் இன்றும் தொடர்கிறது ஐஸ்வர்யாவின் சர்வதிகாரம்

பிக் பாஸ் நிகழ்ச்சி மெது மெதுவாய் இறுதிக் கட்டத்தை நெருங்கி வரும் நிலையில் போட்டியாளர்களுக்கான டாஸ்க் மிகவும் பலமானதாக இருந்து வருகிறது. அத்தோடு ஐஸ்வர்யாவின் செய்ல்பாடுகளும் மக்களிடையே…

35 mins ago

விநாயகர் சதுர்த்தி பந்தலில் வைத்து 13 வயது சிறுமி பாலியல் பலாத்காரம்

மகாராஷ்டிராவில் விநாயகர் சதுர்த்தி பந்தலில் வைத்து 13 வயது சிறுமி பாலியல் பலாத்காரம் செய்யப்பட்ட சம்பவம் நாடு முழுவதும் கடும் அதிர்வலைகளை ஏற்படுத்தி உள்ளது.13-year old girl…

45 mins ago

பொலிஸ்மா அதிபர் பூஜித் ஜயசுந்தரவையும் கட்டாய விடுமுறையில் அனுப்ப நடவடிக்கை!

ஜனாதிபதி மைத்திரிபால சிறிசேன மற்றும் முன்னாள் பாதுகாப்புச் செயலாளர் கோத்தாபாய ராஜபக்ச ஆகியோரை கொலை செய்ய சதி திட்டம் திட்டிய விடயம் தொடர்பில் பிரச்சனைகள் பூதாகரமாக வெடித்துள்ளது. Pujith…

48 mins ago

விக்ரம் பிரபு நடிக்கும் “துப்பாக்கி முனை” திரைப்பட டீசர்

‘60 வயது மாநிறம்’ படத்திற்கு பிறகு நடிகர் விக்ரம் பிரபு மிகுந்த எதிர்பார்ப்புடன் நடித்து முடித்திருக்கும் படம் ‘துப்பாக்கி முனை’. இத்திரைப்படத்தினை வி.கிரியேஷன்ஸ்  சார்பாக தயாரிப்பாளர் கலைப்புலி எஸ்.தாணு,…

1 hour ago

அரவிந்த் சுவாமியின் படவரிசையில் மேலுமொன்று இணைகிறது…!!

‘பாஸ்கர் ஒரு ராஸ்கல்’ படத்தின் பின் அரவிந்த் சுவாமி கைவசம்‘சதுரங்க வேட்டை 2’, ‘வணங்காமுடி’, ‘நரகாசூரன்’, ‘செக்கச்சிவந்த வானம்’ என அடுக்கடுக்காக படங்கள் வரிசையில் நிற்க, மற்றுமொரு…

1 hour ago

We use cookies on our site to enhance the news experience for our viewers, by clicking "Accept" you choose to allow us to save cookies on your device.