Malaysia

மூச்சுத் திணறல் சிகிச்சையின் போது கைத்தொலைபேசி பயன்படுத்திய தாதி!

01/06/2018

792

{ Nurse used cellphone treatment }

மலேசியா: சுல்தானா அமீனா மருத்துவமனையில் பயிற்சிபெற்ற தாதி ஒருவர், சுவாசக் கோளாறுள்ள ஒரு நோயாளியின் மூச்சுத் திணறலுக்குச் சிகிச்சை அளிக்கும் போது கைத்தொலைபேசி பயன்படுத்திக் கொண்டிருந்த சம்பவத்தின் காணொளி சமூக வலைத்தளங்களில் பரவலாகி மக்களிடையே அதிர்ச்சியை ஏற்படுத்தியுள்ளது.

அதைத் தொடர்ந்து, அந்த பயிற்சிபெற்ற தாதிக்கு எதிராக விசாரணை நடத்தப்படும் என ஜொகூர் சுகாதாரத் துறையின் இயக்குனர் டாக்டர் சலாவுடீன் அப்துல் அசிஸ் தெரிவித்துள்ளார்.

அத்தோடு, சம்பந்தப்பட்ட நோயாளி தற்போது சுல்தானா அமீனா மருத்துவமனையில் சிகிச்சை பெற்று வருகின்றார். சம்பவம் தொடர்பான முழு விவரத்தை பெற நோயாளியிடமும் அவரது குடும்பத்தினரிடமும் விசாரணை நடைபெற்று வருவதாகவும் அவர் கூறியுள்ளார்.

“சுல்தானா அமீனா மருத்துவமனை மற்றும் தேசிய சுகாதாரத் துறையைச் சேர்ந்த நிபுணர்களும் தாதியரின் மேற்பார்வையாளர்களும் அடங்கிய ஒரு குழு இந்த சம்பவம் தொடர்பான விசாரணையை ஆரம்பித்துள்ளது,” என அவர் நேற்று தேசிய சுகாதாரத் துறையின் முகநூலில் பதிவிட்டிருந்துள்ளார்.

விசாரணையில் அலட்சியமாக இருந்தது நிரூபிக்கப்பட்டால் சம்பந்தப்பட்ட தாதியின் மீது கடுமையான நடவடிக்கை எடுக்கப்படும் என்றார் அவர்.