நாட்டின் கடன் தொகை ஆபத்தான கட்டத்தை எட்டிவிட்டதாக பிரதமர் அறிவிப்பு..!

21/05/2018

712

{ Prime Minister mahathir announcement }

மலேசியா: நாட்டின் கடன் தொகை ‘ஆபத்தான’ கட்டத்தை அதாவது ரிம.1 டிரில்லியனை எட்டி விட்டதாக பிரதமர் துன் மகாதீர் முகமட் தெரிவித்துள்ளார்.

இந்த ஆபத்தான சூழ்நிலையிலிருந்து தப்பிக்கும் பொருட்டு, முக்கிய நடவடிக்கைகள் கூடிய விரைவில் எடுக்கப்பட வேண்டும் என்று அவர் கூறியுள்ளார்.

தாம் பிரதமராக இருந்த காலக் கட்டத்தில், நாட்டின் கடன் தொகை ரிம.300 பில்லியனாக இருந்ததை என்பதை அவர் சுட்டிக் காட்டியுள்ளார்.

இதனிடையில், பொதுத் துறையில் சில மாற்றங்கள் செய்யப்படும் என்றும், நாட்டின் நலனுக்காக பாடுபட்ட ஊழியர்களை அரசாங்கம் புறக்கணிக்காது என்றும் அவர் கூறியுள்ளார்.

இன்று புத்ராஜெயாவில் பிரதமர் துறையின் கீழ் செயல்படும் பொதுத் துறை ஊழியர்களுடனான மாதாந்திர சந்திப்பு நிகழ்வின் போது, மகாதீர் அவ்வாறு கூறியுள்ளார்.

“நாட்டின் சட்டத்திட்டத்தை மதித்து, நாட்டை ‘சுத்தப்படுத்தி’ மாற்றத்திற்கு வழிவகுப்பதில் பொதுத் துறை ஊழியர்கள் ஈடுபட வேண்டும். நாம் அனைவரும் ஒன்றாக இணைந்து செயல்பட வேண்டும்” என்று அவர் பொதுத் துறை ஊழியர்களை கேட்டுக் கொண்டுள்ளார்.